რა არის ბლოგი კორეის შესახებ ჭიმჯილბანგის გარეშე? ხოდა დადგა დრო ვისაუბროთ კორეულ საუნაზე. ვინც კორეულ დრამებს უყურებთ, ნანახი გექნებათ: ერთნაირ მოხერხებულ ტანსაცმელში გამოწყობილი ხალხი დასასვენებლად ან დასაძინებლად რაღაც უცნაურ დიდ ოთახებში ზის ან წევს. რა არის ეგ დიდი და უცნაური ოთახი? და საუნა რა შუაშია? თუ ამ პოსტს წაიკითხავთ, გაიგებთ.
კორეული საუნა არის სამოთხე დედამიწაზე. მე ვიყავი ერთ-ერთ ყველაზე ცნობილ DRAGON HILL SPA საუნაში, ახლა კი მინდა ჩემი შთაბეჭდილებები გაგიზიაროთ.
ჭიმჯილბანგი შეიძლება 4 განყოფილებად დავყოთ. პირველი, ესაა აუზები, საშხაპეები, საუნები და ყველაფერი, რაც დაბანასთან და განტვირთვასთანაა დაკავშირებული. აუზების რაოდენობა საკმაოდ დიდია. ზოგი არის ჩვეულებრივი საცურაო აუზი, ზოგი სპეციალური “სამკურნალო” წყლით სავსე, ზოგიც უბრალოდ სხვადასხვა ტემპერატურის პატარა ბასეინია. ზოგი ცალ-ცალკე ოთახებშია, ზოგი ხისგანაა გაკეთებული, ზოგი ქვისგან, ზოგიც ღმერთმა უწყის რისგან და ამხელა მრავალფეროვნების გამო აღარ იცი, როგორ აუზში გინდა ჩახტომა.
ჩემი ფავორიტი აუზი იყო ჩვეულებრივი პატარა აუზი, რომელშიც წყლის ტემპერატურა 22 გრადუსი ცელსიუსი აღმოჩნდა. ყველაზე ცივი ეს ჰქონდათ. რომ ვუფიქრდები, რატომ მომეწონა-მეთქი, შეიძლება ჩემი სოფლის მდინარის, გუბაზეულის გავლენაა. გუბაზეულის წყალიც ცივია და შეჩვეული ვარ ცივ წყალს. მაგრამ, ჩემდა გასაკვირად, ამ აუზს თითქმის არავინ არ ეკარებოდა. ყველა ცხელ-ცხელ აუზებში ნებივრობდა. ძალიან ბევრი ხალხი იყო 44 გრადუსიან აუზში. ჩემთვის კი ეს დუღილის ტოლფასი იყო და ვერ ჩავედი შიგნით წესიერად.
აქვე გვერდით იყო ორი საუნა. პირველში ტემპერატურა 38 გრადუსი იყო, თუმცა იმდენი ორთქლის გადამკიდე მაინც მიჭირდა სუნთქვა. 10 წუთი ამ საუნაში ყოფნის შემდეგ გადავწყვიტე, რომ მე გავუძელი გამოცდას და დრო იყო უფრო მაღალი ტემპერატურის საუნა მეცადა. მაგრამ ჰოი საოცრებავ…
შემდეგი საუნა აღმოჩნდა 75 გრადუსი ცელსიუსი. იცით ეს რას ნიშნავს? ეს არის ჯოჯოხეთი ჩემთვის. მარტო კარებს რომ მოვკიდე ხელი, მაშინვე მივხვდი, რომ თუ ჯოჯოხეთში მოვხვდი, ეს საუნა დამხვდება სასჯელად. შიგნით შესვლაზე არც მიფიქრია. ერთმა კორეელმა მითხრა, რომ აქ შესვლა კორეელებსაც უჭირთ და ძირითადად მოხუცები ეტანებიანო, ისინიც სადღაც 5 წუთი ზიან და მერე გამოდიანო. ახლა მივხვდი მაინცდამაინც მოხუცები რატომ დომინირებენ ამ ცხელი საუნის ოთახში. ასაკის მატებასთან ერთად, სიკვდილზე ფიქრიც უფრო ხშირდება და, შესაბამისად, ასაკოვანი ხალხი წინასწარ (ამქვეყანაშივე) იწყებს მზადებას იმქვეყნისათვის. რა იცი რა ხდება და – წინასწარი შემზადება ჯოჯოხეთისთვის იქნება წაგვადგესო, ფიქრობენ მოხუცებული კორეელები (ალბათ).
აუზებში ყურყუტის და “ვინ უფრო დიდხანს შეიკავებს სუნთქვას წყალქვეშ” თამაშების შემდეგ ხალხი იბანს საშხაპეებში და იცვამს სპეციალურ ტანსაცმელს.
თქვენ იფიქრებთ, რა უბედურებაა, უკეთესი სურათი ვერ შეარჩია ტანსაცმლის წარმოსაჩენადო? მაგრამ მე ყველაფერი გათვლილი მაქვს, დამიჯერეთ. სპეციალურად გადავიღე ეს ფოტო, რომ მეჩვენებინა არა მარტო ჭიმჯილბანგის ტანსაცმელი, არამედ იმ ადგილზე ყოფნის და ძილის გვერდითი მოვლენები, რასაც მე ვეძახი ჭიმჯილბანგის მეორე განყოფილებას: საძილე ოთახებს.
აუზების განყოფილება არაა ერთადერთი რამ, რაც ტემპერატურებისდამიხედვით არის დაყოფილი. ასევეა საძილე ოთახები. თუმცა ზოგიერთ მათგანში ისეთი პირობებია, იქ როგორ უნდა დაიძინო, ვერ გამიგია. ოთახებს შორის მხოლოდ ტემპერატურა არაა განსხვავებული. შეგიძლიათ აირჩიოთ, იატაკზე წოლა გინდათ თუ კენჭებზე, გინდათ თქვენს საძილე ადგილს სახურავი ჰქონდეს თუ იყოს ღია სივრცე, სპეციალური “სამკურნალო” ნელსაცხებლებით გაჯერებულ ჰაერიან ოთახში გინდათ დაძინება თუ ჩვეულებრივ, უსუნო ოთახში. მაგრამ უნდა იცოდეთ – არანაირი ლოგინები და საბნები თუ ადიალები და რაღაც მისთანანი! ერთადერთი რბილი, რაზეც დაძინება შეიძლება, ეს მასაჟის სკამია. მაგრამ, მოგეხსენებათ, სკამი სკამია, და თუ სკამზე ვერ იძინებთ, ისევ მყარ იატაკს ან კენჭებს უნდა დაუბრუნდეთ. და აქ დავუბრუნდეთ ჩემს სურათს: ესაა გაღვიძების მომენტი. სურათზე ნათლადაა გამოხატული მყარ ზედაპირზე წოლის შედეგის ორსახოვნება: ერთი მხრივ, ტანჯული სახე, რახან შეუჩვევლობისგან აღარ იცი როგორ ადგე, მეორე მხრივ კი – წელში გამართულობა: მყარ იატაკზე წოლისგან ისე გავიმართე, იმ დღეს აღარ მოვკუზულვარ.
ჩემი ფავორიტი ოთახი აღმოჩნდა ოთახი-საყინულე, რომელშიც ტემპერატურა 10 გრადუსზე დაბალი იყო. აქ ხალხს არ ეძინა, თუმცა იყო შეჯიბრებები, ვინ უფრო დიდხანს გაძლებდა ოთახიდან გაუსვლელად.
ჭიმჯილბანგის შემდეგი განყოფილება არის ძალიან უცნაური და არ შევსულვარ შიგნით. ესაა “ზედმეტი კანის მოცილების ოთახი”. იხდი დაახლოებით 20 დოლარს და ზურგზე და ფეხებზე “მკვდარ კანს” გაცლიან. მეთქი რაის მკვდარი კანი, ჯერ 20 წლის ვარ, გამატარეთ აქიდან. არ ვიცი რატომ, მაგრამ ამ ადგილსაც ძირითადად მოხუცები ეტანებიან. სამწუხაროდ, ჯერ ამ საიდუმლოებებით მოცული ოთახის შესახებ ბევრი ინფორმაცია არ შემიგროვებია. თუ ოდესმე გამოვა “ბუბუ და კორეა: ნაწილი XX – ჭიმჯილბანგი vol.2”, მაშინ შეიძლება ეს ინფორმაცია მოგაწოდოთ. მაგრამ ეჭვი მეპარება – 20 დოლარი 1 ახალი კორეული მუსიკის CDს ტოლფასია.
და მოკლედ დავასრულოთ ჭიმჯილბანგის აუცილებელი განყოფილებით: რესტორნით! აბა რა უნდა იყოს ჭიმჯილბანგი რესტორნის გარეშე? აქ ხალხი მხოლოდ დასაბანად იშვიათად ან საერთოდ არ მოდის, რახან შესვლა დაახლოებით 13 დოლარი ჯდება (13 ათასი ვონი). დროზე არაა შეზღუდვა. ზოგი რამდენიმე დღითაც კი რჩება აქ (მათ მე ჭიმჯილბაგ-ექსტრემალებს ვეძახი) და მიუხედავად იმისა, რომ საჭმლის თან შეტანაზე არაა შეზღუდვა, ერთხელ მაინც უნდა გასინჯოთ ჭიმჯილბანგის საჭმელი. DRAGON HILL SPAს შემთხვევაში საფირმო საჭმელი არის გამხმარი კალმარი, რომელიც ძალიან მომეწონა. 3900 ვონი გადავიხადე და ვერ დავნაყრდი, თუმცა შიმშილი კი მოვიკალი. ამას გარდა საჭმლის იმხელა არჩევნაია, არაფრით ჩამორჩება კარგ კორეულ რესტორანს. თუმცა საუნაში დაპურებას მაინც სხვა მუღამი აქვს.
ბევრი საინტერესო დეტალია კიდევ კორეულ საუნაში, მაგრამ თუ მათ შესახებ კიდევ გინდათ გაგება, ჩამოდით კორეაში და თვითონ შეიგრძენით ჭიმჯილბანგის განსაკუთრებულობა.
디 엔드
(THE END)
კატეგორია: კულტურა
-
ბუბუ და კორეა: ნაწილი 20 – კორეული საუნა (ჭიმჯილბანგი)
თქვენ, პატივცემულო ბლოგის მკითხველებო, გეძლევათ ბედნიერება თვალი შეავლოთ ტანსაცმელს, რომელიც ყველას, განურჩევლად სქესისა, ასაკისა და გემოვნებისა, აცვია კორეულ საუნაში. მოდელი: სხვა ვინ, თუ არა თვით ამ ბლოგის მწერალი ბუბუ. საძილე ოთახის ერთ-ერთი ნაირსახეობა აი “გაშლილი” ოთახის ნაირსახეობა. თუ ყურადღებას მოიკრებთ და ჩემს ულამაზეს სახეს და მუხლს თვალს მოსწყვეტთ, უკანა ფონზე რაღაც საეჭვო თეთრი მილები რომაა, დაინახავთ. ეგაა ყინულები. რაც უფრო ახლოს ზიხარ ყინულებთან, მით უფრო რთულია ამ ოთახში დარჩენაო, გავიგე. მაგრამ მე სულ 3 წუთამდე თუ ვიყავი ამ ოთახში, ასე რომ ვერანაირი დისკომფორტი ვერ განვიცადე. ჩემს წინ იჯდა 5მდე ბიჭი, კბილს კბილზე აცემინებდნენ და კანკალებდნენ, მაგრამ თვალებში შემართების ნაპერწკლები დავუნახე. არ ვიცი ვინ მოიგო, მაგრამ ყველას წარმატებებს ვუსურვებ Dragon Hill Spa-ს შესასვლელი -
ერთად გამოვაცხოთ პეპერო სახლის პირობებში^^
11.11რიცხვი არის კორეული ვალენტინობის დღე, იგი ცნობილია პეპეროს(빼빼로 ), ანუ გამოცხობილი შოკოლადიანი ჩხირების დღის სახელით და ძირითადად აღინიშნება წყვილების მიერ. ამ დღეს წყვილები და მეგობრები ერთმანეთს ამ ჩხირებით უმასპინძლდებიან. ასევე არსებობს თქმულება : თუ ვინმე პეპეროს დღეს ხელს ითხოვს მას აუცილებლად გაუმართლებს
ერთად გამოვაცოთ პეპერო სახლის პირობებში. ვფიქრობ საინტერესო იქნება და უფრო გემრიელიც. ^^
შემადგენლობა:
ფქვილი 155 – გრამი
გამაფხვიერებელი – 1/2 ჩაის კოვზი
შაქარი – 28 გრამი
ცოტა მარილი
კარაქი – 57 გრამი ( 1/4 ჭიქა)
რძე – 80 გრამი
1:გაცერით და აურიეთ მშრალი ინგრედიანტები ერთმანეთში
2:დაამატეთ კარაქი და კარაგდ ურიეთ სიმინდის ფქვილის კონსისტენციამდე. თანდათან დაუმატეთ რძე სანამ ცომი მყარი არ გახდება
3: მოათავსეთ ცომი ცელოფანში და გააგრილეთ მაცივარში 30 წუთის განმავლობაში
4: გააბრტყელეთ ცომის ნაჭერი წვრილ ხაზებად.
5 გამოაცხვეთ 350 გრადუსზე 15 წუთის განმავლობაში და შემდგომ გააგრილეთ.
6: შავი შოკოლაადის პატარა ნატეხები ჩაყარეთ ჯამში და გააცხელეთ ელექტრო ღუმელში 30 დან 540 წამამდე
7: პირველ რიგში პეპერეროს ჩხირები ამოავლეთ შოკოლადში, შემდგომ მოურეთ ის და შედეთ მაცივარში სანამ შოკოლადი არ გამაგრდება.
ტკბილად გაატარეთ პეპეროს დღე ^^
-
სამულორი 사물놀이- კორეის თვითმყოფადი კულტურის გამოვლენა
სამულორი 사물놀이- კორეის თვითმყოფადი კულტურის ერთ-ერთი ყველაზე საინტერესო გამოვლენაა. სამულნორის, თვითმყოფად დასარტყამ ინსტრუმენტებზე დაკვრის ოსტატურ ხელოვნებას, საფუძვლად კორეის სახალხო მუსიკის მრავალსაუკუნოვანი ტრადიცია უდევს. უძველეს კორეაში სამულორი იდუმალ და მისტიურ მნიშვნელობას ატარებდა – მას ასრულებდნენ დღესასწაულების, რელიგიური რიტუალებესა და ყანის პირველი ხვნის დროს.
კორეული სიტყვები „სა“ (사; 四) და „მულ“ (물; 物) ითარგმნება როგორც „ოთხი ინსტრუმენტი“, ხოლო „ნორი“ ნიშნავს „თამაშს“, „წარმოდგენას“. როგორც ჩანს სათაურიდან, სამულორის წარმოდგენისას 4 ინსტრუმენტი მონაწილეობს.
პირველია – ჩანგუ, (장구) წვიმის სიმბოლო, კორეული მუსიკის ფუნდამენტური საკრავია. ჩანგუს აღნადგობა აძლევს მუსიკოსს საშუალებას დაუკრას ურთულესი მუსიკალური რიტმები, რის გამოც ამ დასარტყამ ინსტრუმენტს კორეულ ხალხურ საკრავებში ერთ-ერთი წამყვანი ადგილი უკავია. ჩანგუს გააჩნია ორი ძირითადი ტონი, პირველი ღრმა და ბოხი, მამაკაცის, კაცური საწყისის სიმბოლოა, ხოლო მეორე – მაღალი და წკრიალა, ქალური საწყისის აღმნიშვნელია.
მეორე – ბუკ, (북) ღრუბლების სიმბოლო, ბოხი და დაბალი. მხარს უჭერს კომპოზიციის ძირითად რიტმს. წარსულში ბუკს ეკავა უდიდესი მნიშვნელობა კორეულ სახალხო მუსიკაში და, ფაქტობრივად, მის გარეშე არც-ერთი მუსიკალური წარმოდგენა არ ტარდებოდა.
მესამე – კვენგვარი (꽹과리), ელვა, მცირე დიამეტრის მეტალის ორი დისკო, რომლებსაც ურევია ოქროსა
ან პლატინის მცირე რაოდენობა. სამულორის თითქმის ყველა კომპოზიციაში არსის კვენგვარის ურთიერთძახილი, როდესაც პირველი ეძახის მეორეს და მთელ კომპოზიციას მიმართულებას აძლევს.
მეოთხე – ჩინ (징), ქარი. ეს ინსტრუმენტი, სამულორის სხვა ინსტრუმენტებისგან განსხვავებით, სამხედრო წარმოშობისაა, თუმცა დღეს იგი ფართოდ გამოიყენება სამოქალაქო მუსიკაშიც.
-
ბუდას დაბადების დღე
ბუდას დაბადების დღე (2013 წელს – 17 მაისი) მთვარის კალენდრის მე-4 თვის მე-8 დღე. ამ დღეს კორეის ყველა ბუდისტურ ტაძარში საზეიმო რიტუალები ტარდება. ტრადიციის თანახმად, ამ დღეს ტაძრების ეზოებში ხელით იქმნება უამრავი ფარანი, რომელსაც მომლოცველები ცაში უშვებენ. ბუდას დაბადების დღემდე უახლოეს კვირა დღეს ეს ფარნები ინთება და მომლოცველები მათ ცაში უშვებენ.ბუდისტური მრწამსის თანახმად, ფარანი არის სიმბოლო იმ სიბრძნის, რომელიც ბუდამ შემოიტანა დედამიწაზე. „Yeondeung“, რაც კორეულად ფანრის ანთებას ნიშნავს, არის ბუდასადმი პატივისცემის გამოხატვის ტრადიციული გზა. ეს ტრადიცია დაიწყო Goryeo-სა (918-1392) და Joseon-ის (1392-1910) დინასტიების დროს და დღემდე შემორჩა.
-
კორეის განსაკუთრებული რომანტიული დღეები
თუ თქვენ გიყვართ კორეა ან თუ თქვენი პარტნიორი კორეელია მაშინ ეს სტატია აუცილებლად უნდა წაიკითხოთ^^
ეს არის განსაკუთრებული კალენდარული დღესასწაულები. ყოველი თვის მე14ე რიცხვში არსებობს განსაკუთრებული დღე წყვილისთვის ან მარტოხელა ადამიანისთის. (გამონაკლისი პეპეროს დღე 11ნოემბერი და შობა 25 დეკემბერი)
დღიურის დღე – 14 იანვარი.
ამ დღეს წყვილები ან მეგობრები უცვლიან ერთმანეთს დღიურებს.რა თქმაუნდა ესსაჭიროაიმისთვისრომთვალი ადევნო დღესასწაულებს , შენი მეგობრების დაბადების დღეებს და საიუბილეო თარიღებს.
ვალენტინობის დღე- 14 თებერვალი
დასავლეთისგან განსხვავებით კორეაში ამ დღეს ქალბატონები თავიანთპარტნიორებსასაჩუქრებენ შოკოლოდებით (ან სხვა საჩურებით).
თეთრი დღე – 14 მარტი
“თეთრიდღე” კორეაში,იაპონიასა და ტაივანშიარაოფიციალური დღესასწაულია, რომელსაც ყოველწლიურად 14 მარტს , ვალენტინობის დღესასწაულიდან ერთი თვის შემდეგომ (14 თებერვალი) აღნიშნავენ. “თეთრდღეს” მამაკაცები14თებერვლის მადლიერების ნიშნად ქალბატონებს საჩუქრებს უძღვნიან.
შავი დღე – 14 აპრილი
ამ დღეს მარტოხელა დეპრესიული ადამიანები, რომლებსაც არ ყავთ პარტნიორი აღნიშნავენ შავ დღეს. ამ დღეს თქვენ სხვა მარტოხელა ადამიანებთან ერთად თქვენ უნდა მიირთვათ შავი საკვები განსაკუთრებით “jajangmyeon(짜장면), ასევე შეგიძლიათ დალიოთ შავი ყავა და ჩაიცვათ შავი ტანსაცმელი. თუ თქვენ არ ბრძანდებით მარტოხელა, მაშინ თქვენ არ უნდა დაიცვათ ეს სევდიანი ტრადიცია.
ვარდების დღე/ ყვითელი დღე – 14 მაისი
ამ დღეს წყვილები სიყვარულის გამოსახატად ერთმანეთს ჩუქნიან ვარდებს. ამ დღეს ზოგიერთი წყვილი ჩაცმულია ყვითელ ფერში ხოლო მარტოხელა ადამიანები გასამხნევებლად ჭამენ კერის. როგროც სჩანს, ახალი პარტნიორის მოსახიბლად ძალიან მნიშვნელოვანია მიირთვა და შეიმოსო გაზაფხულის ყვითელ ფერებში.
კოცნის დღე – 14 ივნისი
სახელიდან გამომდინარე ეს დღე განკუთვნილია კოცნისთვის. 14 ივნისი განიხილება კარგ დღედ პირველი კოცნისთვის, ახალი ურთიერთობების დასაწყებად. ასევე ტარდება სპეციაულური ღონისძიებები მკოცნელებისთვის რომელიც ტარდება Myeongdong(명동) ზე, არგეთვე არ გამოგრჩეთ Hongdae(홍대) სადაც ტარდება კოცნის ბრძოლები.
ვერცხლის დღე – 14 ივლისი
ამ დღეს წყვილებმა უნდა გაცვალონ ვერცხლის სამკაულები. კარგი დღეა რათა საქორწინო დაპირება მისცენ ერთმანეთს ან გაცვალონ საქორწინო ბეჭდები.
მწვანე დღე/ მუსიკის დღე – 14 აგვისტო
ამ დღეს წყვილები ეძებენ ბუნებას,რათა იმ დროს როდესაც მარტოხელები სვავენ სოჯუს თავისი სიმარტოვის ჩასახშობად.
ფოტოს დღე -14 სექტემბერი
ამ დღეს წყვილები სურათებს უღებენ ერთმანეთს.
ღვინის დღე -14 ოქტომბერი
იდეალური დღეა რომანტიულ რესტორანში ან თუნდარც ღვინის ბარში წასასვლელად თქვენს მეწყვილესთან ერთად.
პეპეროს დღე – 11 ნოემბერი
11.11რიცხვი არის კორეული ვალენტინობისდღე, იგი ცნობილია პეპეროს(빼빼로 ), ანუ გამოცხობილი შოკოლადიანი ჩხირების დღის სახელით დაძირითად აღინიშნება წყვილების მიერ. ამ დღეს წყვილები დამეგობრები ერთმანეთს ამჩხირებით უმასპინძლდებიან. ასევე არსებობს თქმულება : თუ ვინმე პეპეროს დღეს ხელს ითხოვს მას აუცილებლად გაუმართლებს♥
კინოს დღე/ნამცხვრის დღე – 14 ნოემბერი
შესანიშნავი დღა კინოტეატრში წასასვლელად ან თუნდაც სახლში დასარჩენად და საყვარელ ადამინებთან ერთად ფილმის საყურებლად. ამ დღეს თქვენ უნდა მოეფეროთ თქვენს პარტნორს ან თუნდაც ბავშვებს. ასევე აუცილებელია გამოაცხოთნამცხვარი დამიართვათ თქვენს საყვარელ ადამიანს.
ჩახუტების დღე – 14 დეკემბერი
კარგი დღეა ჩაეხუტო იმას ვინც გიყვარს. თქვენ შეგიძლიათ ჩაეხუტოთ მეწყვილეს,ოჯახის წევრებს ან მეგობრებს.
შობა – 25 დეკემბერი
დასავლეთისგან განსხვავებით შობას კორეაში ოჯახთან ერთად არ აღნიშნავენ. ამ დღეს პარტნიორები ჩუქნიან ერთმანეთს საჩუქრებს და მიდიან მყუდრო ადგილას გემრიელი საჭმელის საჭმელად.
