TOPIK გამოცდის შესახებ გასათვალისწინებელი საკითხები
• გამოცდის დღეს აუცილებლად თან იქონიეთ:
• გამოცდის სარეგისტრაციო ფურცელი; პირადობის დამადასტურებელი მოწმობა.
※ გამოცდის სარეგისტრაციო ფურცელზე ინგლისურად დაწერილი სახელი პირადობის დამადასტურებელ ფურცელზე დაწერილი ინგლისური სახელისგან არ უნდა იყოს განსხვავებული. სხვა შემთხვევაში პირი გამოცდაზე არ დაიშვება.
• გამოცდის ჩაბარებასთან დაკავშირებით:
o გამოცდის დღეს, გამოცდის დამწერმა პირმა გამოცდის დაწყებამდე 20 წუთით ადრე უნდა დაიკავოს თავისი საგამოცდო ადგილი, მზად უნდა იყოს დამკვირვებლის მითითებების გათვალისწინებისთვის. დაგვიანების შემთხვევაში პირი გამოცდაზე არ დაიშვება.
o გამოცდის მსვლელობისას (დასვენების დროის ჩათვლით), ყველა ელექტრონული მოწყობილობა უნდა იყოს გამორთულ მდგომარეობაში.
o ფულის უკან დაბრუნებისთვის გამოყოფილ პერიოდში ფულის უკან დაბრუნების მოთხოვნის შემდეგ პირი გამოცდაზე არ დაიშვება.
o გამოცდის მსვლელობისას პირადობის დამადასტურებელი მოწმობა უნდა იდოს მაგიდაზე;
o დროის კონტროლზე პასუხისმგებელია თავად გამოცდის დამწერი პირი, რომელმაც მოცემულ დროში უნდა მოასწროს პასუხების ფურცელზე პასუხების გადატანა;
o როგორც წესი, გამოცდის მსვლელობისას საგამოცდო ოთახის დატოვება არ შეიძლება, თუმცა აუცილებლობის შემთხვევაში გამოცდის დამკვირვებელი პირისგან ნებართვის აღება და სხვებისთვის ხელის შეშლის გარეშე, ჩუმად ოთახის დატოვება შესაძლებელია.
o გამოცდის მსვლელობისას, ავადმყოფობის გამო საპირფარეშოს გამოყენების და სხვ. საჭიროებისას, გადაწერის თავიდან ასარიდებლად, საჭიროა დერეფანში მყოფი დამკვირვებლის ზედამხედველობის ქვეშ ყოფნა.
o TOPIK II-ის გამოცდაზე, პირველ პერიოდზე არ დამსწრე ან გამოცდიდან განთავისუფლებული პირები, გამოცდის მეორე პერიოდზე არ დაიშვებიან.
o ანალოგიურად, მეორე პერიოდში ვინც გამოცდის წერიდან განთავისუფლებული იქნება, ჩაითვლება, როგორც გათავისუფლებული როგორც პირველი, ასევე მეორე პერიოდიდან.
o გამოცდის მსვლელობისას საღეჭი რეზინის ღეჭვა და საჭმლის ჭამა არ შეიძლება. ასევე, დაუშვებელია ხმაური.
o საგამოცდო ოთახში მოწევა აკრძალულია. ასევე, საჭიროა სიფრთხილე, რომ საგამოცდო ოთახი დარჩეს დაუზიანებელი.
o გადაწერის და/ან დამკვირვებლის მითითებებს არ დამორჩილების შემთხვევაში, შესაძლებელია პირის გამოცდიდან მოხსნა, ნაწერის ქულების განულება და მომავალი 2 წლის განმავლობაში გამოცდაზე დასწრების ნებართვის ჩამორთმევა.
o დამკვირვებლის მითითებების პატიოსნად შესრულება გამოცდის დამწერი პირის მოვალეობაა. დაუმორჩილებლობა თაღლითობად ჩაითვლება.
პირის იდენტიფიცირების პროცედურა:
o გამოცდის დამწერმა პირმა თან უნდა იქონიოს გამოცდის რეგისტრაციის ფურცელი და პირადობის დამადასტურებელი მოწმობა (ან პასპორტი).
o პირადობის დამადასტურებელი მოწმობის თან არქონის შემთხვევაში, პირი გამოცდაზე არ დაიშვება.
( საბუთები, როგორიცაა სტუდენტური ბარათი ან სერთიფიკატები, არ ჩაითვლება პირადობის დამადასტურებელ დოკუმენტად. პირადობის მოწმობის ასლიც არ ჩაითვლება პირადობის მოწმობად.)
o დამკვირვებლის მიერ პირადობის მოწმობის შემოწმების პროცედურისას საჭიროა პატიოსნად გაეცეს პასუხი შეკითხვებზე. დაუმორჩილებლობა თაღლითობად ჩაითვლება.
გამოცდაზე აკრძალული ნივთების შესახებ:
o ნივთები, რომელიც არ არის დაშვებული გამოცდაზე , უნდა ჩაბარდეს დამკვირვებელს პირველი პერიოდის დაწყებამდე. სხვა შემთხვევაში, ნივთების არ ჩაბარება თაღლითობად ჩაითვლება.
o აკრძალული ნივთებია:
მობილური ტელეფონი, ფოტოკამერა, MP3, ელექტრონული ლექსიკონი, კამერიანი კალამი, ელექტრონული კალკულატორი, პორტალური მედია ფლეიერი, დარჩენილი დროის კონტროლისთვის განკუთვნილი, სხვა ფუნქციების არმატარებელი საათის გარდა, ყველა ელექტორნული მოწყობილობა.
პასუხების ფურცელთან დაკავშირებით:
o საჭიროა, რომ პასუხების ფურცელი არ დაზიანდეს/გაჭუჭყიანდეს და არ დაიკუჭოს. პასუხების ფურცელზე დაჯღაპნა და/ან ჩანიშვნა შესაძლოა წამგებიანი აღმოჩნდეს. განსაკუთრებით მნიშნელოვანია, რომ ფურცლის ზედა და ქვედა ნაწილებზე არსებული ნიშნული (■■■) არ დაზიანდეს.
o საკითხების ფურცელზე პასუხის შემოხაზვა არაა საკმარისი და პასუხების ფურცელზე არგადატანის შემთხვევაში არ ჩაითვლება.
o სხვადსხვა ვარიანტიან კითხვაზე პასუხის არჩევისას შესაბამისი ველი უნდა გაფერადდეს ნიშნულით „●“, დარიგებული კალმის სქელწვეროიანი მხარით. ერთ კითხვაზე მხოლოდ ერთი პასუხი უნდა მოინიშნოს. იმ შემთხვევაში, როცა გაფერადება არასრულია ან ერთზე მეტი პასუხია მონიშნული, კითხვა პასუხგაუცემლად ჩაითვლება. პასუხის შეცვლის სურვილის შემთხვევაში, საჭიროა კორექტორით წინა პასუხის მთლიანად გადაფარვა.
o წერილობითი პასუხები უნდა ჩაიწეროს დარიგებული კალმის წვრილწვეროიანი მხარით, შესაბამისად გამოყოფილ ადგილას. პასუხის სხვა ადგილზე ჩაწერის შემთხვევაში პასუხი არ ჩაითვლება. დაწერილი პასუხის შეცვლის სურვილის შემთხვევაში შეიძლება კორექტორის გამოყენება ან ნაწერის ორი ხაზით გადახაზვა. კორექტორის გამოყენების სურვილის შემთხვევაში ხელის აწევა და დამკვირვებლისგან კორექტორის მიღებაა შესაძლებელი.
o საკუთარი კორექტორის გამოყენება დასაშვებია, თუმცა გაფუჭების და/ან კორექტორის არასწორად გამოყენების შემთხვევაში მთელი პასუხისმგებლობა კორექტორის მფლობელს ეკისრება და სიფრთხილეა საჭირო.
o პასუხების ფურცლის შეცვლა დასაშვებია, თუმცა მოცემულ დროში პასუხების ფურცელზე პასუხების მონიშვნის ვერ მოსწრების შემთხვევაშიც კი უნდა ჩაბარდეს ის დამკვირვებელს. გამოცდის დასრულების შემდეგ გამოცდის ფურცელზე წერა აკრძალულია, წერის გაგრძელების შემთხვევაში კი ნაშრომი შეიძლება განულდეს.
o გამოცდის მსვლელობისას პირველი პერიოდის დაწყებამდე აუცილებლად დამკვირვებლის მიერ დარიგებული კალმის გამოყენებაა საჭირო.
o დარიგებული კალმის არგამოყენების ან ზემოთ ნახსენები სხვა წესების დარღვევისთვის პასუხისმგებლობა მთლიანად ეკისრება გამოცდის დამწერ პირს.
o გამოცდის დროის დასრულების შემდეგ კალამის მერხზე დადების და მაგიდის ქვეშ ხელების ჩამოწევის შემდეგ დამკვირვებლის მითითებებს მიყოლაა საჭირო.
o გამოცდის წერის დასრულების შემდეგ, დამკვირვებლის ნებართის გარეშე საგამოცდო ოთახის დატოვება აკრძალულია. გამოცდის დროს გამოყენებული პასუხების ფურცელი და კითხვების ფურცლები აუცილებლად დამკვირვებელს უნდა ჩაბარდეს.
გადაწერის და/ან სხვა თაღლითობის შემთხვევაში მოსალოდნელია შემდეგი:
– ნაწერის გაუქმება;
– გამოცდის შედეგების გამოქვეყნების დღიდან 2 წლის განმავლობაში გამოცდაზე არდაშვება;
– შესაძლებელია საქმეში პოლიციის გამოძიების ჩართვა იყოს მოთხოვნილი;
– გადამწერი პირის კუთვნილს დაწესებულებას (სკოლა, უნივერსიტეტი და სხვ.) გადაეცემა ცნობა გადაწერის/თაღლითობის შესახებ.
სხვა:
o პიროვნების ვერიდენტიფიცირების შემთხვევაში, სპეციალური წერილობითი პირობის დადების შემდეგ, 3 დღეში სხვა პირადობის დამადასტურებელი მოწმობის საგამოცდო ადგილას საჭიროა პირადად მიტანა. სხვა შემთხვევაში, გამოცდისთვის გადახდილი ფული უკან არ დაბრუნდება და გამოცდა გაუქმებულად ჩაითვლება.
o გამოცდიდან განთავისუფლებული პირი და ის, ვინც წინა წესში ნახსენებ პირობას ვერ დააკმაყოფილებს, ვერ მიიღებს საგამოცდო შეფასებას.
o კორეული ენის გამოცდის ქულა ვალიდურია შედეგების გამოქვეყნებიდან 2 წლის განმავლობაში.
მისამართი:
კახა ბენდუქიძის საუნივერსიტეტო კამპუსი
თბილისი, დავით აღმაშენებლის ხეივანი, #240
საკონტაქტო პირი : ნანა მიქაბერიძე
ტელ: 597 702 702
